Sunday, October 2, 2011

வரலாறும் புகைப்படமும் 4


கோலாலம்பூரின் புகைப்படங்கள்

ஜாலான் அம்பாங் - 1910. ஜாலான் அம்பாங் எனக்கு மிக நெருக்கமான பயணங்களை அளித்த ஒரு பகுதி. 13ஆவது வயதில் கோலாலம்பூரில் மாமா வீட்டில் தங்கிப் படித்தப் போது 2 வருடம் இந்தச் சாலையில்தான் பள்ளிக்குப் பொது பேருந்து பிடித்துச் செல்வதும் வருவதுமாய் இருந்தேன். மேலும் அம்பாங் பாய்ண்ட் அருகாமையிலுள்ள மாமாவின் வீடியோ கடையில் வேலை செய்தபோது இரவில் அம்பாங் முழுக்கவும் எப்படி விழித்திருந்து ஓய்கிறது என்பதை நேரில் பார்த்திருக்கிறேன்.

1945 ஆம் ஆண்டில் ஜப்பான் படையிடமிருந்து நாட்டை மீட்டெடுத்த பிறகு முதல் முறையாக பிரிட்டிஸாரின் இராணுவ ஜீப் உள்ளே நுழைவதை அனைவரும் பார்வையிடுகின்றனர். பிரிட்டிஸ் தனது காலனிய உட்சத்தை மீண்டும் மலாயாவில் தொடங்கிய காலக்கட்டம் அது.




1954 ஆம் வருடத்தில் அம்னோவுடன் எம்.சி.ஏ கட்சி இணைந்தபோது இரு கட்சிகளின் நல்லிணக்கத்தைத் தெரிவிக்கும் வகையில் கோலாலம்பூரில் நடத்தப்பட்ட பேரணி. ஏராளமான சீனர்களும் மலாய்க்காரர்களும் இதில் கலந்துகொண்டனர். முன்பு பொதுமக்களுக்கு மிகுந்த தன்னார்வமிக்க அரசியல் விழிப்புணர்வும் பங்கேற்பும் இருந்துள்ளன. ஆண் பெண் வித்தியாசமில்லாமல் அனைவரும் நாட்டின் அரசியல் மையத்துடன் இணைந்திருந்தார்கள். பல இடைவேளிக்குப் பிறகு சமீபத்தில்தான் இந்த விழிப்புணர்வை நம்மிடையே காண முடிகிறது. ஆனாலும் இன்று ஒரே வார்த்தையில் சொல்லிவிடுகிறார்கள், “எனக்கு அரசியல் பிடிக்காது” என.

 கே.பாலமுருகன்

No comments: